Caderno de bitácora. Data estelar 2011.3.2

Istas imaxes, xunto con outras, están expostas nos andares da Facultade de Ciencias Políticas da USC. Forman parte de unha reportaxe gráfica do fotógrafo José Alfonso sobre os 3 millóns de nenos que traballan en Bangladesh. No mundo, calcúlase que agora mesmo hai máis de 200 millóns de nenos traballando.

Algunhas das fotografías están tomadas en fábricas nas que Intervida intenta facerlles chegar programas de educación.

No 1971, George Harrison e Ravi Shankar organizaron os dous concertos por Bangladés no Madison Square Garden de Nova York, co fin de recaudar fondos para os daquela refuxiados do chamado Pakistán do Sur.

Carlos Gardel equivocábase. Efectivamente, non vinte, senón que corenta anos son nada. nin volvela mirada, sequera...

Caderno de bitácora. Data estelar 2011.3.1

Así xuntos na foto, parecen os 4 Fantásticos do galeguismo....
No salón de Graos de Políticas da USC. O martes 1, ás 6, a primeira semifinal. O mércores 2, ás, 6. a segunda. Non hai data para a final que decida o futuro do Galeguismo.
Catro líderes, catro visións, so pode quedar un... ou non... depende... xaseverá...maloserá

Caderno de bitácora. Data estelar 2011.2.28

Paseando onte entre os que xa van parecendo os derradeiros días do inverno compostelán veume á memoria un poema dunha amiga a quén fai tempo demais que non vexo.... Cando mo deu a lér non o entendín. Dende onte, creo que sí

EMPÚRRAME

(Poema orixinal de Mariña De Ceo. 1997)

por ventura acollido

na academia da túa indolencia modular



acredito

a firme solvencia dos teus instantes



pola cadrada xentileza da enxeñería do teu espírito

queda o meu apuntalado



gañado

pola túa decencia simétrica



debera confortarme

unha ecuación de semellante pureza



empúrrame

murmura a maceira na horta

onde a malumaxe da casa vella ardeu.



empúrrame

murmura o carballo que fai sombra

onde tódolos antepasados da miña familia durmiron.



empúrrame

o mesmo que quero eu