25/3/09

Cultura popular
Disque o Consello da Cultura alerta de que os galegos lemos pouco. Para o que hai que ler..., pensará algún e non lle faltará razón. Pero para chegar a unha conclusión tan ilustrada non viña mal ler un chisco máis. Que a xente abra tan pouco os libros, seguramente non é só culpa dela. Algo terá que ver a calidade e interese de canto se escribe, o mal que se vende e o pouco que se promociona o hábito da lectura nos nenos. Pero semella improbable que sexa a calidade e o interese da televisión que se fai o que leva á inmensa maioría a sentar diante do televisor con esa paciencia dos devotos. E sabendo seguro que total para o que hai que ver...

No hay comentarios:

Publicar un comentario