Disque os ben pensantes andan moi preocupados porque nestas eleccións se fala de todo menos de Europa. Así foi sempre, e así seguirá sendo mentres non se escolla un Goberno europeo. Mentres se siga elixindo só un Parlamento que non se sabe ben nin para que serve nin como funciona e que, sobre todo, non escolle o Goberno da Unión, será difícil incentivar uns cidadáns afeitos a elixir quen manda, non quen fai directivas. Pero esa é outra historia e mesmo moitos dos que hoxe tan angustiados están porque non se fale de Europa, serían os primeiros en se opor a un Goberno europeo. Por certo, falar da crise non é falar de Europa?
No hay comentarios:
Publicar un comentario