20/2/09

disque 20/2/09

Quen perdeu máis?
Disque os analistas debaten arduamente arredor da cuestión de cal dos tres candidatos perdeu máis ou gañou menos cos debates interruptus. O único seguro é que perdemos nós, os cidadáns soberanos que criamos gañado un dereito e resulta que só nolo recoñece Quintana, e o resto é un favor que nos fan O Noso Alberto e O Noso PT. Quintana perde sen debates, pero a súa coherencia repórtalle dividendos en credibilidade. O Noso PT gaña sen debates porque pode criticar ao candidato popular sen mollar os pés, pero a evidencia do seu desinterese por facilitar a súa celebración vaille dar máis dun desgusto. Finalmente, O Noso Alberto pode ter gañado algo sen debates, pero maior sería o beneficio se tivera asistido ao desafío a tres e reclamase logo os cara a cara. A ver quen llelos negaba.

No hay comentarios:

Publicar un comentario