disque 9/2/09

Que fale a maioría

Disque quen queren andar a paos pola lingua xa teñen o gusto. Todos seguiron o guión. Galicia Bilingüe montou outra charada na súa cruzada contra o Galego. Os incivís de sempre aportaron a intolerancia que tapará o fracaso de xuntar catro mil persoas. A policía puxo as cargas que dan titulares á prensa carca e Rosa Díez fixo de Agustina de Aragón, coa dirección Popular de figurantes. Os máis que vivimos nun pais que empeza a coidar a súa lingua quédanos agora amañar esta desgracia. É a lóxica da acción colectiva de Mancur Olson: grupos pequenos e ben organizados explotan sistematicamente á maioría silenciosa e desorganizada.

PUBLICADO EN GALICIA HOXE, 9/2/09