Disque a policía cargou contra os gandeiros para que non sacaran os tractores. Nin tiña razón nin tiña por que empregarse con tanta saña. Dada a idade de moitos dos dispersados e a súa perigosidade, na televisión víase tan feo coma zouparlle a un pai. Como non son un banco e carecen de clientes ou aforradores a quen tomaren como reféns, ou como non son Citroën e non teñen traballadores aos que ameazar con despedir, en vez de axudas reciben boas palabras e paus. Di O Noso Alberto que o ten que amañar Madrid. Di Espinosa que o ten que amañar Bruxelas. Posiblemente Europa é culpable, pero seguro que eles tampouco son inocentes.
No hay comentarios:
Publicar un comentario