sobre a liña editorial do blog

Teño recibido algunha suxerencia, mesmo algún comentario, onde se plantexa a cuestión sobre si contestar ou non aos comentarios que tendes a amabilidade de deixar. O Blog naceu como un espacio de intercambio de ideas e puntos de vista onde se pretende que teña voz todo quen quera e para dicir o que quera. Para expór as miñas opinións xa están as entradas e os artigos. Nos comentarios, considero que o interesante é que funcionen como un espacio onde se exprese todo quen teña a xentileza de visitar o blog e desexe aportar a súa visión aos debates que podan abrirse. Outros comentarios de carácter máis persoal, non serei eu quen os conteste. Cada quen opina como quere e se da valoración persoal de quen non pensa coma il, da súa horandez ou da súa integridade persoal, quere facer un argumento para gañar a súa guerra particular, é o seu problema. Xa me dicía meu pai que tiña bo lombo. Como din U2 nunha canción: "non hai nada que me podas botar enriba que non me teñan botado xa"