Caderno de bitácora. Data estelar 2012.3.31

Onte fun ver Vilamor, a nova película de Ignacio Vilar, o director da espléndida Pradolongo. Recoméndolles que vaian a vela. E teño moitas razóns.

Porque é unha gran película perfectamente narrada, cun guión eficaz e soportada por novos e xenuinos actores. Unha película que, de contar co apoio preciso e necesario, poderia significar o mesmo que Pa Negre para o cinema catalán.

Porque Galicia e as montañas de Lugo nunca luciron tan espectaculares nunha pantalla de cine.

Porque recupera con humor, ironía e cariño aquela Galicia de finais do setenta, cando acaba de morrer Franco e todo parecía posible.

Se a van ver, tamén sentirán que parte das imaxes e momentos da película poderían perfectamente ser momentos e imaxes da parte mais agradecida da memoria propia.